Náttúrugripasafn Bolungarvíkur http://www.natturugripasafn.is/
Náttúrugripasafn Bolungarvíkur er hið fyrsta sinnar tegundar á Vestfjörðum. Sýningarsalurinn er yfir 300 fermetrar og við hann er salur sem gerir það auðvelt að taka á móti hópum. Safnið og Náttúrustofa Vestfjarða eru í samtengdu húsi.
Náttúrugripasafnið er tileinkað Steini Emilssyni jarðfræðingi sem var lengi skólastjóri í Bolungarvík. Steinasafn hans er undirstaðan í steinasýningu safnsins og þar er gott yfirlit yfir íslenskar stein- og bergtegundir. Einnig er surtarbrandur sýndur á safninu.
Spendýrum og fuglum er gerð góð skil. Þegar inn er komið heilsar blöðruselsbrimill gestum en hvítabjörninn er ekki langt undan, umkringdur selum, refum, minkum og fuglum. Yfir 160 tegundir fugla eru á safninu auk fjölda afbrigða og aldursstiga. Þar eru flestar tegundir íslenskra fugla og margir flækingar að auki. Fuglasýningin er ein hin stærsta sinnar tegundar á landinu.
Á stærsta vegg safnsins er veggspjaldasýning um Hornstrandafriðlandið. Einnig eru öðru hverju settar upp ýmsar sýningar tengdar náttúrunni sem standa yfir í lengri eða skemmri tíma.
Náttúrustofa Vestfjarða sér um daglegan rekstur Náttúrugripasafns Bolungarvíkur. Starfsfólk hennar annast einnig leiðsögn og fræðslu fyrir safngesti og skólastofnanir á svæðinu.
Safnið er opið í sumar sem hér segir:
Frá 6. júní til 16. ágúst
Opið alla daga frá 10:00 til 17:00
Frá 15. júní til 30. ágúst
Opið um helgar frá 13:00 til 17:00
Annars er opið eftir samkomulagi
Aðgangseyrir:
600,- kr. fyrir fullorðna,
450,- kr. fyrir 67 ára og eldri
450,- kr. pr mann fyrir hópa á eigin vegum
Frítt fyrir börn 16 ára og yngri
Aðgangseyrir í Náttúrugripasafnið og Ósvör
900 kr. fyrir fullorðna
700 kr. fyrir eldri borgara
700 kr. fyrir hópa á eigin vegum
Fritt fyrir börn 16 ára og yngri
___________________________________
Náttúrugripasafn Bolungarvíkur
Vitastígur 3 / Aðalstræti 21
s. 456 7207 - fax. 456 7351
nagr@nave.is
http://www.natturugripasafn.is
Forstöðumaður:
Þorleifur Eiríksson
the@nave.is
.jpg)