Sjóminjasafnið Ósvör
Rétt eftir að Bolungarvík birtist þeim sem koma akandi frá Ísafirði er Sjóminjasafnið Ósvör á hægri hönd niðri við sjóinn, rétt við veginn. Skinnklæddi maðurinn í Ósvör - íslenski vermaðurinn, fiskimaðurinn - er löngu heimsfrægur og með árunum hefur hann orðið eitt af þekktustu táknum eða jafnvel kennileitum Vestfjarða.
Safnvörðurinn tekur á móti gestum, íklæddur búningi sem hæfir staðnum, lifandi minjasafni um útgerðarhætti fyrri tíma á Íslandi. Í vörinni framan við verbúðina er sjófær sexæringur en gangspil fyrir ofan, fiskur hangir í hjalli en uppi á lofti í verbúðinni eru flet vermanna. Niðri eru veiðarfæri, tól og tæki og vermaðurinn sýnir handbrögðin sem eitt sinn voru mörgum töm en eru nú flestum gleymd. Í Ósvör eru einnig salthús og fiskreitar.
Sjóminjasafnið í Ósvör er einstakt í sinni röð. Bolungarvík hefur verið nefnd elsta verstöð landsins og víst er að þar hefur verið útræði frá upphafi Íslandsbyggðar. Í Ósvörinni má gaumgæfa hvernig sjósókn á áraskipum og lífinu og starfinu kringum hana var háttað hérlendis um aldir. Núna hefur verið komið upp þjónustuhúsi á bílastæðinu ofan við safnið.
Safnið er opið í sumar sem hér segir:
Frá 6. júní til 16. ágúst
Opið alla daga frá 10:00 til 17:00
Utan þess tíma er opið samkvæmt samkomulagi -
safnvörður í síma: 892 -1616
600,- kr. fyrir fullorðna.
450,-. fyrir 67 ára og eldri
Frítt fyrir börn 16 ára og yngri.
Ósvör og Náttúrugripasafn
Ef keyptur er aðgangsmiði í Sjóminjasafnið Ósvör og í Náttúrugripasafn Bolungarvíkur er aðganseyrir:
900,- kr. fyrir fullorðna
700,-. kr. fyrir 67 ára og eldri
700,- kr. pr. mann fyrir hópa á eigin vegum
Frítt fyrir börn 16 ára og yngri
Safnverðir:
Finnbogi Bernódusson
s: 892 1616
Jóhann Hannibalsson
s: 897 8486
.jpg)