Laus störf
Forstöðumaður Árbæjar
Starfið skiptist í 80% starf í vaktavinnufyrirkomulagi og 20% stjórnunarstarf. Æskilegt er að viðkomandi geti hafið störf sem fyrst.
Forstöðumaður Íþróttamiðstöðvarinnar Árbæjar heyrir undir bæjarstjóra.
Helstu verkefni
- Yfirstjórn daglegrar starfsemi íþróttamiðstöðvarinnar
- Fara að lögum, almennum verklagsreglum og reglugerðum sem um starfsemina gilda eða fyrirmælum bæjarstjóra þegar við á
- Ábyrgð á umgengni um eignir íþróttamiðstöðvarinnar og skynsamlega nýtingu þeirra
- Skrásetning og sýnataka úr laugum ásamt mælaálestri
- Eftirlit með tækjum og áhöldum þannig að búnaður sé ávallt í lagi
- Ábyrgð á starfsmannahaldi íþróttamiðstöðvarinnar
- Semja og fylgja eftir vaktafyrirkomulagi íþróttamiðstöðvarinnar
- Yfirumsjón með innkaupum og birgðastöðu á rekstrarvörum
- Samskipti við skólastjórnendur leik- og grunnskóla Bolungarvíkur, stjórn UMFB og aðra aðila sem eru með starfsemi í íþróttamiðstöðinni
- Halda utan um tölfræði vegna notkunar íþróttamiðstöðvarinnar
- Halda utan um útsenda reikninga og önnur slík samskipti við skrifstofu vegna uppgjörsmála
- Koma að markaðssetningu íþróttamiðstöðvarinnar
- Stjórna aðgerðum í samræmi við neyðaráætlun
Hæfnikröfur
- Áhugi og skilningur á íþróttum og æskulýðsstarfi
- Stúdentspróf eða iðnmenntun er æskileg
- Gerð er krafa um góða alhliða tölvukunnáttu s.s. Excel og Word, kostur ef viðkomandi hefur kunnáttu og þekkingu á Navision skráningarkerfi
- Góð kunnátta í íslensku og ensku
- Góðir leiðtogahæfileikar, frumkvæði, skipulagshæfni og sjálfstæði í vinnubrögðum
- Rík þjónustulund og mikil færni í mannlegum samskiptum
- Reynsla af stjórnunarstörfum, gerð fjárhagsáætlana og annarra áætlana
- Snyrtimennska og góð framkoma
- Skyndihjálparkunnátta og standast hæfnispróf sundstaða
Launakjör eru samkvæmt samningum launanefndar sveitarfélaga við viðkomandi stéttarfélag.
Nánari upplýsingar um starfið veitir Jón Páll Hreinsson, bæjarstjóri, í síma 450-7000 eða tölvupóst jonpall@bolungarvik.is.
Umsóknarfrestur er til og með 15. ágúst 2018.
Umsóknir skulu sendar til Jóns Páls á fyrrgreint netfang. Með umsókn skal fylgja ferilskrá og afrit af viðeigandi réttindum. Öllum umsóknum verður svarað þegar ákvörðun um ráðningu hefur verið tekin.