Hlaupahátíð á Vestfjörðum
Hlaupahátíð á Vestfjörðum fer fram helgina 12.-15. júlí 2018.
Hlaupahátíðin verður enn stærri í ár en boðið verður upp á hlaup frá Skálavík til Bolungarvíkur sem er um 13 km leið.
Fyrir þá allra hörðustu verður einnig boðið upp á auka lykkju upp á Bolafjall sem er þá hlaup um 20 km í heildina.
Þessi viðburður verður á fimmtudagskvöldið 12. júlí og mun hefjast kl 20.00. Eftir hlaupið verður öllum þátttakendum boðið í sund í Bolungarvík þar sem verðlaunaafhending fer einnig fram.
Nýr viðburður verður við hátíðina í ár en það er Enduro Ísland sumarfagnaður en hann verður haldinn sunnudaginn 15. júlí í Skutulsfirði og hefst hann kl. 10.00.
Enduro snýst um að hjóla stóra All Mountain-leið og enda í lokahófi. Á leiðinni skemmta keppendur sér við að keppa á stuttum sérleiðum sem eru mest niður í móti og tæknilegar.
Nánari upplýsingar er að finna á enduroiceland.com og er skráning hafin á hlaupahatid.is.