Bolungarvíkurkaupstaður hefur gert samning við Elfar Loga Hannesson, leikara og stofnanda Kómedíuleikhússins, fyrir árið 2026. Samstarfið felur í sér fjölbreytta skemmtun fyrir íbúa á öllum aldri.
Á árinu mun Elfar Logi standa fyrir eftirfarandi viðburðum:
Leiksýning/listviðburður í Grunnskóla Bolungarvíkur
Leiksýning/listviðburður fyrir börnin í Leikskólanum Glaðheima
Bókmenntadagskrá fyrir eldri borgara
Listviðburður á sjómannadaginn
Að auki mun Elfar Logi hafa samband við jólasveinana, til þess að fá þá til byggða á litlu jólunum í grunnskóla Bolungarvíkur og leikskóla Bolungarvíkur, ásamt fyrsta sunnudag í aðventu, sem hefur orðið fastur og vinsæll liður í aðventuhátíð bæjarins.
Bolungarvíkurkaupstaður hlakkar til samstarfsins sem mun auðga menningarlíf bæjarins enn frekar.