Framkvæmdir eru hafnar við bílaplanið við sundlaugina í Bolungarvík. Markmið framkvæmdanna er að bæta aðstöðu á svæðinu og er stefnt að því að malbikun fari fram fyrstu helgina í september, ef veður og aðstæður leyfa.
Á meðan framkvæmdir standa yfir er þeim sem hyggjast sækja sundlaugina bent á að leggja bifreiðum sínum við Höfðastíg.
Mikilvægt er að hafa í huga að grunnskólinn byrjar á mánudaginn og eru ökumenn beðnir um að sýna sérstaka aðgát við akstur um Höfðastíg og nágrenni skólans þar sem börn verða á ferli og við leik.
Sveitarfélagið Bolungarvík þakkar íbúum og gestum fyrir skilning og biður fólk um að virða þær merkingar og leiðbeiningar sem settar verða upp á framkvæmdatímanum.