• Völusteinsstræti

Bolungarvíkurkaupstaður

Bolungarvíkurkaupstaður er sjálfstætt sveitarfélag á Vestfjörðum. 

BolungarvíkurkaupstaðurAðalstræti 10-12
415 Bolungarvík
Númer: 4100
Kennitala: 480774-0279
VSK Númer: 009944
Símanúmer: 450 7000
Bréfasími: 450 7009

bolungarvik@bolungarvik.is

www.bolungarvik.is
www.fb.com/bolungarvik
www.twitter.com/brimbrjotur

Skjaldarmerki Bolungarvíkur

 

 

Þann 10. apríl 1974 fékk sveitarfélagið kaupstaðarréttindi en hét áður Hólshreppur.

Íbúafjöldi 1. júní 2016: 904

Í framboði við sveitarstjórnarkosningar 31. maí 2014 voru tveir listar:

 

  • D-listi Sjálfstæðisflokks og óháðra og
  • M-listi Máttar meyja og manna sem eingöngu var skipaður konum. 

 

Á kjörskrá voru 673, atkvæði greiddu 513, auðir seðlar voru 20, ógildir seðlar voru 0, kjörsókn var 76,2%. 

 

  • D Sjálfstæðismenn og óháðir, 304 atkv., 4 fulltr.
  • M Máttur meyja og manna, 189 atkv., 3 fulltr. 

 

D - Sjálfstæðismenn og óháðir  

 

  1. Elías Jónatansson, Grænuhlíð 19, bæjarstjóri
  2. Margrét Jómundsdóttir, Völusteinsstræti 6, starfsmaður félagsþjónustu
  3. Guðbjörg Stefanía Hafþórsdóttir, Traðarlandi 18, grunn- og leikskólakennari og nemi
  4. Baldur Smári Einarsson, Holtastíg 18, viðskiptafræðingur og bæjarfulltrúi
  5. Helga Svandís Helgadóttir, Holtastíg 13, grunnskólakennari
  6. Einar Guðmundsson, Völusteinsstræti 10, umboðsmaður
  7. Sunna Reyr Sigurjónsdóttir, Neðri-Ósi, bóndi
  8. Guðrún Halldóra Halldórsdóttir, Holtabrún 9, þjónustufulltrúi og nemi
  9. Hafþór Gunnarsson, Holtabrún 12, pípulagningameistari
  10. Elísabet María Pétursdóttir, Bakkastíg 6 B, leikskólasérkennari
  11. Andri Rúnar Bjarnason, Miðstræti 16, knattspyrnumaður
  12. Einar Guðmundsson, Hólastíg 5, skipstjóri
  13. Guðrún Valdís Benediktsdóttir, Bakkastíg 13, verslunarstjóri
  14. Jón Guðni Pétursson, Brúnalandi 7, skipstjóri 

 

M - Máttur meyja og manna  

 

  1. Soffía Vagnsdóttir, Þjóðólfsvegur 9, skólastjóri og frumkvöðull
  2. Halldóra Dagný Sveinbjörnsdóttir, Höfðastígur 8, grunnskólakennari
  3. Guðrún Stella Gissurardóttir, Hanhóll, forstöðumaður
  4. Guðlaug Rós Hólmsteinsdóttir, Traðarland 21, hárgreiðslumeistari
  5. Arndís Aðalbjörg Finnbogadóttir, Höfðastígur 20, atvinnurekandi
  6. Linda Björk Harðardóttir, Hlíðarstræti 20, matráður
  7. Ólína Adda Sigurðardóttir, Holtabrún 16, stuðningsfulltrúi
  8. Birna Hjaltalín Pálmadóttir, Heiðarbrún 10, sálfræðinemi og athafnakona
  9. Sgríður Hulda Guðbjörnsdóttir, Traðarstígur 6, musterisvörður
  10. Monika Anna Gawek, Traðarland 21, stuðningsfulltrúi
  11. Ragnheiður Ása Ingvarsdóttir, Traðarstígur 1, sjúkraliði og rafvirki
  12. Solveig Edda Vilhjálmsdóttir, Skólstígur 6, myndlistarkona og hönnuður
  13. Inga Rós Georgsdóttir, Vitastígur 25, kraftlyftingakona og þjóðfræðinemi
  14. Þóra Hansdóttir, Hjallastræti 26, tryggingafulltrúi 

 

Kaupstaðurinn dregur nafn sitt af vík sem er yst í Ísafjarðardjúpi. Víkin er ein elsta verstöð landsins og er stutt í góð fiskimið. Upp af víkinni liggja tveir grösugir dalir, Syðridalur og Tungudalur. Syðridalsvatn er í Syðridal og er þar nokkur veiði og eins í Ósá. 

Framan af öldum var byggðin nær eingöngu í dölum og í Skálavík. Næst sjónum, á Bolungarvíkurmölum, var búseta hins vegar vertíðarbundin langt fram á 19. öld. Um síðustu aldamót fjölgaði íbúum mjög og þorp myndaðist við sjávarsíðuna. Þá reis ný kirkja, einnig barnaskóli, stúkuhús, vélsmiðja, bátasmíðaverkstæði, íshús og nokkur fiskverkunarhús. Verslanir voru stofnaðar, svo og sparisjóður og bókasafn. Á þessum tíma var mannlíf allt í miklum blóma og ýmis félagasamtök hófu starfsemi, m.a. stúka, kvenfélag, ungmennafélag, leikfélag og málfundafélag. 

Eftir að bátarnir stækkuðu með vélvæðingu bátaflotans í upphafi aldarinnar hélt léleg lendingaraðstaða aftur af vexti þorpsins. Með bættri hafnaraðstöðu um miðja öldina varð uppsveifla og íbúum fjölgaði næstu áratugi. Bolungarvík komst í vegasamband við Ísafjörð árið 1950 með opnun vegarins um Óshlíð, sem var stórt framfaraskref. 

Enn í dag eru sjósókn og fiskvinnsla aðal atvinnugreinarnar. Önnur störf eru flest í verslunar og þjónustugeirum. 

Bolungarvíkurgöng voru opnuð 25. september 2010 og hafa reynst mikil samgöngubót en þá lagðist af vegurinn um Óshlíð.