Skólasetning Tónlistarskólans fer fram á morgun kl. 18:00 í sal Tónlistarskólans "Sprota".



Á skólasetningunni verða starfsmenn skólans kynntir og rætt um starfsemina í vetur. Þar gefst foreldrum og nemendum einnig tækifæri til að tala við kennara um námið og stundaskránna.

Á setningunni mun Selvadore Rähni, klarinettleikari og nýr skólastjóri tónlistarskólans flytja nokkur lög á klarinett við undirleik eiginkonu sinnar Tuuli Rähni. Þá mun Tuuli einnig leika einleik á píanó. 

Allir eru velkomnir,

Skólastjóri og starfsfólk Tónlistarskóla Bolungarvíkur

Þriðjudaginn 20. maí, kl. 20.oo verða þriðju og síðustu vortónleikar skólans haldnir í Sprota. Á þessum tónleikum koma yngri nemendur skólans fram.

Sproti er nýja nafnið á 60 sæta sal tónlistarskólans en tillöguna að nafninu átti Helga Svana Ólafsdóttir. Nafnið var valið úr fjölda mörgum tillögum sem fram komu eftir miðsverartónleikana.

Þó töluverð vinna sé enn eftir í lagfæringum á salnum, reyndist hann mjög vel á fyrstu tveimur vortónleikunum sem haldnir voru í síðustu viku

Vortónleikar tónlistarskólans verða að þessu sinni haldnir í þrennu lagi. 15. - 16. og 20. mai. Við höldum tónleikana í sal tónlistarskólans, en salnum höfum við verið að koma í stand að undanförnu. Salurinn hefur 60 sæti og er það ástæðan fyrir því að við skiptum vortónleikunum í þrennt. Allir eru hjartanlega velkomnir á tónleikana. Við munum upplýsa um nýtt nafn á tónleikasal skólans á tónleikunum

Bolvíkingar, gleðilegt sumar !

Loksins er blessað sumarið komið, sólin hækkar á lofti og sólbjart verður fljótlega allan sólarhringinn, m.a. þess vegna er rétti tíminn fyrir fréttir frá Tónlistarskóla Bolungarvíkur.

Í mars byrjaði kvenna sönghópur æfingar, sem fram hafa farið alla mánudaga síðan. Þar hefur alvörugefin tónlist verið æfð ásamt poppaðri tónlist. Ætlun sönghópsins er að halda tónleika komandi starfsár með tónverki meistara Pergolesi, Stabat Mater. Stefnt er að því að verkið verði flutt með hljómsveit.

Nemendur Tónlistarskóla Bolungarvíkur tóku þátt í ýmsum menningarviðburðum frá sl. febrúar.
Má í því sambandi nefna framkomu nemenda skólans á 100 ára afmæli Ungmennafélags Bolungarvíkur, 1. maí á frídegi verkamanna og fleira og fleira.

Um þessar mundir í Tónlistarskólanum er ,,heitur tími”. Nemendur æfa sig óvenju mikið vegna stigsprófa eða almennra vorprófa, og væntanlegra lokatónleika

Mánudaginn 14. maí nk. afmælisdag forseta Íslands verður aðalæfing haldin í Félagsheimilinu Víkurbæ kl. 16.00.
Þriðjudaginn 15. maí nk. kl.19:30 verða vortónleikar skólans haldnir i Félagsheimilinu Víkurbæ.
Miðvikudaginn 16 maí nk. kl 20 :00 verða vortónleikar söngnemenda og eldri nemenda skólans haldnir í Safnaðarheimilinu.

Vorpróf nemenda skólans fara fram í skólanum 24. og 25. maí nk.
Loka- og stigspróf úr tónfræði og tónheyrn voru haldin í sl. viku.

Skólaslit Tónlistarskóla Bolungarvíkur fara fram í Safnaðarheimilinu 31.maí nk.kl 19.30
Allir nemendur skólans hafa þegar fengið upplýsingar um væntanlega vortónleika, vorpróf og skólaslit hans.
Frekari upplýsingar um framangreint er að finna á heimasíðu skólans : bolungarvik.is/tonlistarskoli/

Okkur langar að minna á að tónlistarhátíðina ,, Við Djúpið “ sem fram fer dagana 18.–24. júní nk. á Ísafirði.
Þar verða stórkostlegir tónlistarmenn, innlendir sem útlendir sem fram koma og kenna jafnframt á væntanlegu námskeiði. Má þar nefna meistara eins og :
Erling Blöndal Bengtsson – selló
Vovka Stefán Ashkenazy – píanó
Davíð Þór Jónsson (Flís-tríó) - spuna-/djass pianoleikur, og
Tinnu Þorsteinsdóttur – píanó með áherslu á samtímatónlist.

Tónlistarskóli Bolungarvíkur hvetur alla tónlistarmenn, tónlistarkennara, og nemendur að taka þátt.

Skráning fer fram á www.viddjupid.is

Bestu kveðjur með ósk um gleðilegt sumar
frá kennurum og skólastjóra
Tónlistarskóla Bolungarvíkur.

26.febr.Mánudagur kl.13:00-17:30-Samspil
kl.17:30 - Samsöngur
27.febr.Þriðjudagur kl.13:00-17:30-Samspil
28.febr.Miðvikudagur kl.17:00-Aðalæfing í Víkurbæ
1.mars Fimmtudagur kl.19:30-Almennir miðsvetrartónleikar í Víkurbæ
2.mars Föstudagur kl.18:30-Aðalæfing í Safnadarheimilinu
kl.20:00
Miðsvetrartónleikar söngvara
í Safandarheimilinu