Reglur um val og útnefningu heiðursborgara Bolungarvíkur
1. gr.
Bæjarstjórn Bolungarvíkur getur útnefnt hvern þann íbúa, fyrrverandi sem núverandi, sem heiðursborgara Bolungarvíkur.
2. gr.
Við val á heiðursborgara skal hafa í huga m.a.
- Störf viðkomandi hafi haft veruleg jákvæð áhrif á samfélagið.
- Störf og framganga hafi verið til fyrirmyndar og til eftirbreytni.
- Jákvæða ímynd bæði innan Bolungarvíkur sem utan.
3. gr.
Heiðursborgari skal heiðraður við hátíðlega athöfn, s.s. við opinbera hátíð eða stórafmæli viðkomandi.
4. gr.
Heiðursborgari fær viðurkenningu til staðfestingar á nafnbótinni þar sem a.m.k. kemur fram nafn viðkomandi og dagsetning.
5. gr.
Heiðursborgari hefur engar skyldur gagnvart Bolungarvíkurkaupstað sem slíkur.
6. gr.
Bolungarvíkurkaupstaður hefur eftirfarandi skyldur gagnvart heiðursborgara:
- Býður heiðursborgara til opinberra athafna/veislna á vegum Bolungarvíkurkaupstaðar.
- Heldur nöfnum heiðursborgara með titlinum heiðursborgari á lofti við tilhlýðileg tækifæri.
- Tekur þátt í athöfn við útför heiðursborgara, þegar þar að kemur, að beiðni aðstandenda.
7. gr.
Bæjarstjórn skal halda lista yfir heiðursborgara og skrá um hvenær þeir voru heiðraðir, hverju sátu þá í bæjarstjórn og hvað lá til grundvallar heiðrun.
Samþykkt í bæjarstjórn 19. maí 2020