Bjartmar í félagsheimilinu
Bjartmar Guðlaugsson verður með tónleika í Félagsheimili Bolungarvíkur laugardaginn 1. apríl.
Bjartmar er flestum að góðu kunnur fyrir tónlist sína en hann hefur samið ógrynni af þekktum lögum sem hafa lifað með þjóðinni í áratugi. Hann mun flytja öll sín bestu lög og verður að sjálfsögðu með lag þjóðarinnar, Þannig týnist tíminn, með í farteskinu.
Að loknum tónleikum, eða í kringum miðnættið mun Danstríó Vestfjarða stíga á sviðið og spila góða tónlist fram á nótt.
Húsið opnar kl 21:00 og er miðaverð kr 2.500.