• Völusteinsstræti

Bolungarvíkurkaupstaður

Bolungarvíkurkaupstaður er sjálfstætt sveitarfélag á Vestfjörðum. 

BolungarvíkurkaupstaðurAðalstræti 10-12
415 Bolungarvík
Númer: 4100
Kennitala: 480774-0279
VSK Númer: 009944
Símanúmer: 450 7000
Bréfasími: 450 7009

bolungarvik@bolungarvik.is

Skipurit

www.bolungarvik.is
www.fb.com/bolungarvik
www.twitter.com/brimbrjotur
www.visitbolungarvik.is

Skjaldarmerki Bolungarvíkur

Þann 10. apríl 1974 fékk sveitarfélagið kaupstaðarréttindi en hét áður Hólshreppur.

Íbúafjöldi 1. janúar 2018: 945

Í framboði við sveitarstjórnarkosningar 26. maí 2018 voru þrír listar:

  • D-listi Sjálfstæðismenn og óháðir
  • K-listi Máttur meyja og manna
  • Y-listi Framlag 

Á kjörskrá voru 636, atkvæði greiddu 476, auðir seðlar voru 13, ógildir seðlar voru 1, kjörsókn var 74,8%. 

  • D Sjálfstæðismenn og óháðir, 247 atkvæði, 4 fulltrúar
  • K Máttur meyja og manna, 176 atkæði, 3 fulltrúar
  • Y Framlag, 39 atkvæði, 0 fulltrúar

D - Sjálfstæðismenn og óháðir

  1. Baldur Smári Einarsson
  2. Guðbjörg Stefanía Hafþórsdóttir
  3. Katrín Pálsdóttir
  4. Kristján Jón Guðmundsson
  5. Birgir Örn Birgisson
  6. Kristín Ósk Jónsdóttir
  7. Helga Svandís Helgadóttir
  8. Einar Guðmundsson
  9. Oddur Andri Thomasson Ahrens
  10. Viktoría Kr. Guðbjartsdóttir
  11. Jóhanna Ósk Halldórsdóttir
  12. Bjarki Einarsson
  13. Hulda Birna Albertsdóttir
  14. Jón Guðni Pétursson

K - Máttur meyja og manna  

  1. Sigríður Hulda Guðbjörnsdóttir
  2. Hjörtur Traustason
  3. Magnús Ingi Jónsson
  4. Helga Jónsdóttir
  5. Margrét Jómundsdóttir
  6. Halldór Guðjón Jóhannsson
  7. Monika Gawek
  8. Hugrún Diljá Þorgeirsdóttir
  9. Hörður Snorrason
  10. Sigurður Guðmundur Sverrisson
  11. Ragnheiður Ása Ingvarsdóttir
  12. Gunnar Hallsson
  13. Guðrún Stella Gissurardóttir
  14. Matthildur Finnborg Guðmundsdóttir

Y -  Framlag

  1. Jón Hafþór Marteinsson
  2. Nikólína Beck Þorvaldsdóttir
  3. Bjarni Pétursson
  4. Linda Dröfn Gunnarsdóttir
  5. Auðun Jóhann Elvarsson
  6. Kristinn Orri Hjaltason
  7. Hálfdán Guðröðarson
  8. Jón Marteinn Guðröðsson

Kaupstaðurinn dregur nafn sitt af vík sem er yst í Ísafjarðardjúpi. Víkin er ein elsta verstöð landsins og er stutt í góð fiskimið. Upp af víkinni liggja tveir grösugir dalir, Syðridalur og Tungudalur. Syðridalsvatn er í Syðridal og er þar nokkur veiði og eins í Ósá. 

Framan af öldum var byggðin nær eingöngu í dölum og í Skálavík. Næst sjónum, á Bolungarvíkurmölum, var búseta hins vegar vertíðarbundin langt fram á 19. öld. Um síðustu aldamót fjölgaði íbúum mjög og þorp myndaðist við sjávarsíðuna. Þá reis ný kirkja, einnig barnaskóli, stúkuhús, vélsmiðja, bátasmíðaverkstæði, íshús og nokkur fiskverkunarhús. Verslanir voru stofnaðar, svo og sparisjóður og bókasafn. Á þessum tíma var mannlíf allt í miklum blóma og ýmis félagasamtök hófu starfsemi, m.a. stúka, kvenfélag, ungmennafélag, leikfélag og málfundafélag. 

Eftir að bátarnir stækkuðu með vélvæðingu bátaflotans í upphafi aldarinnar hélt léleg lendingaraðstaða aftur af vexti þorpsins. Með bættri hafnaraðstöðu um miðja öldina varð uppsveifla og íbúum fjölgaði næstu áratugi. Bolungarvík komst í vegasamband við Ísafjörð árið 1950 með opnun vegarins um Óshlíð, sem var stórt framfaraskref. 

Enn í dag eru sjósókn og fiskvinnsla aðal atvinnugreinarnar. Önnur störf eru flest í verslunar og þjónustugeirum. 

Bolungarvíkurgöng voru opnuð 25. september 2010 og hafa reynst mikil samgöngubót en þá lagðist af vegurinn um Óshlíð.