Bolafjall
Bolafjall er 638 metra hátt fjall fyrir ofan Bolungarvík.
Vegurinn á Bolafjall er lokaður yfir vetrartímann
Brattur akvegur liggur upp á Bolafjall, en þar er ratsjárstöð Landhelgisgæslu Íslands. Vegurinn hefur verið opinn bílum í júlí og ágúst, og nú hefur verið komið á gjaldskyldu fyrir bílastæðin uppi á Bolafjalli. Hægt er að nálgast gjaldskrána hér.
Á Bolafjalli er hrjóstrug háslétta með víðsýni til allra átta, sem gerir fjallið að vinsælum viðkomustað á Vestfjörðum.
Þverhnípi er fram af fjallinu og afar varasamt að fara nálægt brúninni. Mikilvægt er að gæta þess að börn séu ekki eftirlitslaus.
Mikil uppbygging er hafin á ferðaþjónustumannvirkjum á Bolafjalli.
Mikil uppbygging er í gangi á Bolafjalli, reistur hefur verið glæsilegur útsýnispallur sem býður upp á einstakt útsýni yfir svæðið og verið er að byggja ný bílastæði til að mæta vaxandi fjölda gesta.
Framkvæmdasjóður ferðamannastaða veitti 160 milljónum króna til byggingar útsýnispalls á Bolafjalli.
Vonir standa til að með pallinum verði Bolafjall einn af vinsælustu ferðamannastöðum Vestfjarða.