Náttúrugripasafn Bolungarvíkur
Natural History Museum of Bolungarvík
415 Bolungarvík
Sumar 2023 Safnið verður lokað í sumar.
ATH: nú er unnið að því að endurhanna safnið og setja það upp í nýju húsnæði. Það verður því lokað sumarið 2023.
Náttúrugripasafn Bolungarvíkur var formlega opnað í maí 1998, en safnið er það fyrsta sinnar tegundar á Vestfjörðum.
Náttúrugripasafnið er tileinkað Steini Emilsyni jarðfræðingi, sem lengi var skólastjóri í Bolungarvík. Steinasafn hans er uppistaðan í steinasýningu safnsins.
Spendýrum og fuglum eru gerð góð skil. Þegar inn er komið er gestum heilsað af blöðruselsbrimli og hvítabjörninn er ekki langt undan, umkringdur selum, refum og minkum.
Við minnum á að hægt er að kaupa sameiginlegan aðgang að náttúrugripasafninu og sjóminjasafninu Ósvör.