17. júní 2020
Bolungarvíkurkaupstaður býður upp á hátíðardagskrá í tilefni af þjóðhátíðardegi okkar Íslendinga 17. júní.
Bolungarvíkurkaupstaður býður upp á hátíðardagskrá í tilefni af þjóðhátíðardegi okkar - 17. júní 2020.
Dagurinn hefst með víðavangshlaupi frá Ráðhúsinu. Skráning fer fram á staðnum og er hlaupið opið öllum aldurshópum.
Fleytukeppni verður í Hólsá þar sem keppendur mæta með fleytur sínar. Fleytan skal vera heimasmíðuð, hver keppandi má aðeins hafa eina fleytu og hún skal að lágmarki vera 20 cm löng.
Gengið verður í skrúðgöngu frá Ráðhúsinu að Félagsheimilinu þar sem hátíðardagskrá hefst. Fjallkonan kemur til okkar, við syngjum þjóðsönginn og nýstúdent flytur hátíðarrræðu og að henni lokinni hefst púttmót hjá Félagsheimilinu.
10:00 Víðavangshlaup
11:00 Fleytukeppni í Hólsá
12:30 Skrúðganga frá Ráðhúsi
12:40 Hátíðardagskrá við Félagsheimilið
13:00 Púttmót
Lyftum okkur upp í Víkinni fögru á þjóðhátíðardaginn 17. júní.
Gleðilega þjóðhátíð!