Þrettándagleði 2023
Á þrettánda dag jóla er haldin þrettándagleði Bolungarvíkur.
Á þrettándagleðina í Bolungarvík koma álfar og kóngafólk, prinsar og prinsessur, stallari, biskup og skratti, bændafólk, álfameyjar, ljósálfar og svartálfar, jólasveinar, púkar og Grýlu-börn og svo auðvitað Grýla sjálf með Leppalúða sinn.
Dans er stiginn og söngvar sungnir við hljóðfæraspil og þrettándabrennu svo sem vera ber á þrettándanum.
Viðburðurinn fer fram föstudaginn 6. janúar kl. 18:00 á bak við grunnskóla og sundlaug þar sem sviðið er staðsett.