Reglugerð um kjör íþróttamanns Bolungarvíkur

1. Fyrir lok janúar ár hvert skal heiðra þann bolvíska íþróttamann sem bestan árangur hefur þótt sýna í íþróttum á liðnu ár. 
   
2. Íþróttamaðurinn verður að vera í íþróttafélagi innan ÍSÍ og hafa unnið afrek sín undir merkjum þess.
   
3. Íþróttamaðurinn þarf að hafa náð 14 ára aldri á árinu og eiga lögheimili í Bolungarvík. 
   
4. Íþróttamaðurinn verður að hafa sýnt framúrskarandi árangur í íþrótt sinni á árinu. 
   
5. Íþróttamaðurinn þarf að hafa sýnt góða ástundun og áhuga, koma prúðmannlega fram og vera öðrum góð fyrirmynd.
   
6. Íþróttafélög sem starfa í Bolungarvík hafa rétt til að tilnefna einstaklinga til kjörs á íþróttamanni ársins. Hvert félag eða deild innan félags tilnefnir að hámarki einn einstakling til kjörs á íþróttamanni ársins. 
   
7. Almenningi er veitt heimild til að koma með ábendingar til íþrótta- og æskulýðsráðs vegna íþróttamanna sem ekki falla undir 6. grein reglugerðarinnar og skal ráðið þá afla upplýsinga varðandi viðkomandi íþróttamann. 
   
8. Með tilnefningu skal fylgja skrá yfir afrek viðkomandi íþróttamanns á árinu og umsögn þjálfara hans á þar til gerðu eyðublaði. 
   
9. Ef tilnefning til íþróttamanns ársins uppfyllir ekki skilyrði 2.-8. greinar reglugerðar þessarar, ber íþrótta- og æskulýðsráði að endursenda hana og óska eftir að skilyrðum reglugerðarinnar verði fullnægt. Íþrótta- og æskulýðsráð hefur heimild til að veita einnar viku frest til úrbóta á tilnefningu til íþróttmanns ársins. 
   
10. Hvert félag eða deild innan félags tilnefnir að hámarki þrjá einstaklinga til viðurkenninga fyrir árangur og framfarir. Einstaklingar sem tilnefndir eru þurfa að hafa náð 10 ára aldri á árinu. Einnig skal hvert félag eða deild innan félags tilkynna ef hópur hefur náð framúrskararndi árangri á árinu og verið í verðlaunasæti á stórmóti. 
    
11. Á hófið skal eftirtöldum verða boðið:
    1. Tilnefndum íþróttamönnum og fjölskyldum þeirra
    2. Þjálfururm tilnefndra íþróttamanna
    3. Stjórnum félaga og deilda
    4. Stjórn Hérðassambands Bolungarvíkur
    5. Bæjarstjórn Bolungarvíkur
    6. Bæjarstjóra Bolungarvíkur
    7. Fjölmiðlum á svæðinu
12. Atkvæðisrétt eiga aðalmenn og varmann í íþrótta- og æskulýðsráði Bolungarvíkur. Kosning skal fram fram skriflega. Sá sem er settur númer eitt skal fá 3 stig, annar hlýtur 2 stig og þriðji hlýtur 1 stig. 
    
13. Reglugerðin tekur gildi frá og með 16. nóvember 2005.
    

Reglugerðin var samþykkt á fundi íþrótta- og æskulýðsráðs Bolungarvíkur 16. nóvember 2005.

Ný reglugerð var samþykkt á 752. fundi bæjarstjórnar 12. nóvember 2019.