90 ára afmæli Bjarnabúðar
Í daglegu tali er verslunin kölluð Bjarnabúð og margir Bolvíkingar versla þar reglulega ásamt viðskipavinum verslunarinnar í nágrannabyggðalögum.
Bjarnabúð selur matvöru og vefnaðavörur, bækur, gjafavörur, skrifstofuvörur, ungbarnafatnað, leikföng, föt á fullorðna, búsáhöld og ýmislegt fleira.
Bjarnabúð byrjaði í húsi sem stóð á mótum Aðalstrætis og Hafnargötu er gekk síðar undir nafninu Hús Jónu læknisins.
Árið 1933 keypti Bjarni Eiríksson húsið og flutti í það með fjölskyldu sinni. Síðar keypti Bjarni húsið sem núverandi Bjarnabúð hefur verið rekin í allar götur síðan og flutti þangað með fjölskylduna á skírdag árið 1935.
Benedikt sonur Bjarna tók síðan við rekstri verslunarinnar árið 1958 og Stefanía Birgisdóttir tók við af honum árið 1996 og rekur Verslun Bjarna Eiríkssonar í dag.
Laugardaginn 9. september fagnar Bjarnabúð 90 ára afmæli og verður með afmælisviðburði næstu daga þar eftir.
Bolungarvíkurkaupstaður óskar Verslun Bjarna Eiríkssonar og Bolvíkingum öllum til hamingju með afmælið!