Afleysing á höfn

Um er að ræða 60-100% starf í vaktavinnufyrirkomulagi sem unnið er í samráði við yfirhafnarvörð.

Æskilegast er að viðkomandi geti hafið störf sem fyrst. Hafnarvörður heyrir undir yfirhafnarvörð.

Helstu verkefni

• Umsjón með eigum hafnarinnar, gæta reglu á hafnarsvæðinu og sinna þjónustu sem Bolungarvíkurhöfn kýs að veita skipum og bátum.
• Bera ábyrgð á vigtun afla og annarri vöru sem um höfnina fer eftir því sem við á.
• Ganga í öll tilfallandi störf sem tilheyra rekstri hafnarinnar sem og önnur störf sem yfirhafnarvörður setur fyrir.

Hæfnikröfur

• Stúdentspróf eða iðnmenntun er æskileg
• Gerð er krafa um vinnuvélaréttindi
• Umsækjandi þarf að vera löggiltur vigtunarmaður samkvæmt lögum nr. 91/2006, eða vera tilbúinn að sækja slíkt námskeið
• 12 metra skipstjórnarréttindi og/eða vélstjórnarréttindi er kostur en ekki skilyrði
• Gerð er krafa um hreint sakavottorð
• Gerð er krafa um góða alhliða tölvukunnáttu s.s. Excel og Word, kostur ef viðkomandi hefur kunnáttu og þekkingu á Navision skráningarkerfi
• Góð íslensku- og enskukunnátta
• Rík þjónustulund og mikil færni í mannlegum samskiptum
• Snyrtimennska og góð framkoma

Launakjör eru samkvæmt samningum launanefndar sveitarfélaga við viðkomandi stéttarfélag.

Umsóknarfrestur er til og með 5. apríl 2021.

Umsóknir berast yfirhafnarverði á stefanv@bolungarvik.is sem veitir nánari upplýsingar í síma 8687272.

Með umsókn skal fylgja ferilskrá og afrit af viðeigandi réttindum.

Öllum umsóknum verður svarað þegar ákvörðun um ráðningu hefur verið tekin.