• Skjaldarmerki Íslands

25. júní 2020

Auglýsing um kjörfund vegna forsetakosninga þann 27. júní 2020

Kjörfundur vegna forsetakosninga verður haldinn þann 27. júní 2020 í Bolungarvík. 

Kjörfundur hefst kl. 10:00 í Félagsheimili Bolungarvíkur og stendur til kl. 21:00.

Kosningarétt eiga allir íslenskir ríkisborgarar sem náð hafa 18 ára aldri á kjördag og sem skráðir eru með lögheimili hér á landi. Íslenskir ríkisborgarar sem náð hafa 18 ára aldri og flutt hafa erlendis eiga kosningarétt í átta ár frá flutningnum. Eftir þann tíma þurfa þessir aðilar að sækja um að vera teknir á kjörskrá hjá Þjóðskrá Íslands. Ef viðkomandi er ekki með gilda umsókn, átta ár eða meira eru liðin frá flutningi og engin umsókn barst Þjóðskrá Íslands fyrir 1. desember 2019 er viðkomandi ekki á kjörskrá.

Nánari upplýsingar um kjörskrá eru á vefnum www.kosning.is og kjörskrá liggur frammi í Ráðhúsi Bolungarvíkur.

Kjósandi skal gera kjörstjórn grein fyrir sér, svo sem með því að segja til sín og framvísa kennivottorði eða nafnskírteini, eða á annan fullnægjandi hátt að mati kjörstjórnar.

Kjörstjórn óskar eftir að kjósendur taki ekki með sér síma eða önnur ljósmyndatæki inn í kjörklefa þar sem það er óheimilt að ljósmynda kjörseðil og varðar sektum ef kjósandi sýnir af ásettu ráði hvernig hann kýs eða hefur kosið.