• Skjaldarmerki Íslands

10. júní 2020

Forsetakosningar 2020

Upplýsingar um utankjörfund, kjörfund, viðmiðunardag kjörskrár og kosningarétt. 

Utankjörfundur fer fram í Ráðhúsi Bolungarvíkur alla virka daga kl. 10-15 fram að kjördegi.

Kjörfundur fer fram í Félagsheimili Bolungarvíkur laugardaginn 27. júní 2020 kl. 10-21. 

Kjörskrá verður lögð fram í Ráðhúsi Bolungarvíkur 16. júní 2020. Þjóðskrá Íslands hefur opnað fyrir rafrænan aðgang að kjörskrá á vefnum www.skra.is.

Viðmiðunardagur kjörskrár var 6. júní 2020.

Kosningarétt eiga allir íslenskir ríkisborgarar sem náð hafa 18 ára aldri á kjördag og sem skráðir eru með lögheimili hér á landi. Íslenskir ríkisborgarar sem náð hafa 18 ára aldri og flutt hafa erlendis eiga kosningarétt í átta ár frá flutningnum. Eftir þann tíma þurfa þessir aðilar að sækja um að vera teknir á kjörskrá hjá Þjóðskrá Íslands. Ef viðkomandi er ekki með gilda umsókn, átta ár eða meira eru liðin frá flutningi og engin umsókn barst Þjóðskrá Íslands fyrir 1. desember 2019 er viðkomandi ekki á kjörskrá. Nánari upplýsingar eru á vefnum www.kosning.is.

Kjósandi skal gera kjörstjórn grein fyrir sér, svo sem með því að segja til sín og framvísa kennivottorði eða nafnskírteini, eða á annan fullnægjandi hátt að mati kjörstjórnar.

Kjörstjórn óskar eftir að kjósendur taki ekki með sér síma eða önnur ljósmyndatæki inn í kjörklefa þar sem það er óheimilt að ljósmynda kjörseðil og varðar sektum ef kjósandi sýnir af ásettu ráði hvernig hann kýs eða hefur kosið.