Grunnskóli Bolungarvíkur auglýsir lausa stöðu þroskaþjálfa

Vegna forfalla er laus til umsóknar 100% staða þroskaþjálfa við Grunnskóla Bolungarvíkur.

Um er að ræða afleysingu frá mars til desember 2024.

Menntunar- og hæfnikröfur:

• Þroskaþjálfamenntun og starfsleyfi sem þroskaþjálfi

• Áhugi á starfi með börnum og unglingum

• Lipurð og hæfni í mannlegum samskiptum

• Frumkvæði, sjálfstæði og sveigjanleiki í vinnubrögðum

• Góð færni í íslensku máli jafnt í ræðu og riti

• Reglusemi og samviskusemi

• Hreint sakavottorð

Launakjör eru samkvæmt kjarasamningi Sambands íslenskra sveitarfélaga við Þroskaþjálfafélag Íslands. Þroskaþjálfi vinnu náið með deildarstjóra stoðþjónustu við gerð áætlana er varðar nemendur og innleiðingu samþættrar þjónustu í þágu farsældar barna.

Umsóknum skilað til skólastjóra á netfangið halldoras@bolungarvik.is með upplýsingum um menntun, réttindi og starfsreynslu, ásamt ábendingum um meðmælendur. Móttaka umsókna verður staðfest.

Nánari upplýsingar veitir Halldóra Dagný Sveinbjörnsdóttir skólastjóri í síma 4567249 og netfangi halldoras@bolungarvik.is .

Umsóknarfrestur er til og með 20. febrúar 2024.

Í Grunnskóla Bolungarvíkur eru um 135 nemendur og 37 starfsmenn. Starfshættir grunnskólans eru í sífelldri þróun. Skólinn byggir starfsemi sína á faglegu og framsæknu skólastarfi sem tekur ávallt mið af þroska og hæfni nemenda. Í skólanum er fjölmenningarlegt samfélag nemenda, starfsfólks og foreldra.