Bolungarvík gerir samning við Kómedíuleikhúsið

Bolungarvíkurkaupstaður hefur gert samning við Elfar Loga Hannesson, leikara og stofnanda Kómedíuleikhússins, fyrir árið 2025. Samstarfið felur í sér fjölbreytta skemmtun fyrir íbúa á öllum aldri.

Á árinu mun Elfar Logi standa fyrir eftirfarandi viðburðum:

• Leiksýning/framkoma í Grunnskóla Bolungarvíkur

• Leiksýning/framkoma fyrir börnin í Leikskólanum Glaðheima

• Leiksýning/framkoma fyrir eldri borgara

• Framkoma á hátíðarhöldum Sjómannadagsins í Bolungarvík

Að auki mun Elfar Logi hafa samband við jólasveinana, til þess að fá þá til byggða fyrsta sunnudag í aðventu, sem hefur orðið fastur og vinsæll liður í aðventuhátíð bæjarins.

Bolungarvíkurkaupstaður hlakkar til samstarfsins sem mun auðga menningarlíf bæjarins enn frekar.