Skrifað undir samning um stálþil

Jón Páll Hreinsson, bæjarstjóri Bolungarvíkurkaupstaðar, og Stefán Guðjónsson, framkvæmdastjóri Ísar ehf., skrifuðu undir samninginn í Ráðhússal Ráðhúss Bolungarvíkur. 

Hafnarsjóður Bolungarvíkur óskaði eftir tilboðum í maí og voru fimm tilboð opnuð þann 12. júní 2019 og af þeim var tilboð Ísar ehf. lægst.  

Verktakinn áætlar að hefja framkvæmdir strax í næstu viku með efnisflutningum og niðurrekstur stálþils mun hefjast í lok ágúst. Enginn starfsemi verður á fremsta hluta Brjótsins meðan á framkvæmdum stendur. 

Verklok eru áætluð 1. nóvember 2019.

Helstu verkþættir eru:

• Prufurekstur, sprengd eða rippuð rás fyrir þil ef þörf reynist á.
• Rekstur 78 stálþilsplatna, steypa akkerisplötur, uppsetning staga og festinga og fylling innan við þil.
• Taka upp fríholt, brjóta og fjarlægja kant með pollum og festihringjum alls um 97 m.
• Brjóta og fjarlægja steypta þekju. 
• Aftengja og taka upp raf-, og vatnslagnir.
• Leggja vatnslagnir í bryggjuna og ídráttarrör fyrir rafstrengi
• Steypa kantbita með pollum, uppsetningu á stigum og fríholtum.
• Fylla í skarð milli gamla stálþils og grjótgarðs norðaustan við stálþilið.
• Taka upp núverandi grjótvörn og endurraða grjótvörn utan á nýja fyllinguna.