Staða yfirhafnarvarðar laus til umsóknar

Um er að ræða 100% starf í vaktavinnufyrirkomulagi sem unnið er í samráði við hafnarstjóra.  

Æskilegast er að viðkomandi geti hafið störf sem fyrst.  Yfirhafnarvörður heyrir undir hafnarstjóra.

Helstu verkefni

• Umsjón með eigum hafnarinnar, gætir reglu á hafnarsvæðinu og sinnir þjónustu sem Bolungarvíkurhöfn kýs að veita skipum og bátum
• Ber ábyrgð á vigtun afla og annarri vöru sem um höfnina fer eftir því sem við á
• Sér um verkstjórn annarra starfsmanna á höfninni
• Stendur skil á skýrslum til Fiskistofu og annarra opinberra aðila eftir því sem lög og reglur segja til um
• Sér um að skrá og halda utan um þau gögn sem til þarf svo hægt sé að innheimta öll þau gjöld sem gjaldskrá hafnarinnar segir til um
• Gengur í öll tilfallandi störf sem tilheyra rekstri hafnarinnar sem og önnur störf sem honum eru falin af hafnarstjóra

Hæfnikröfur

• Stúdentspróf eða iðnmenntun er æskileg
• Gerð er krafa um vinnuvélaréttindi
• Umsækjandi þarf að vera löggiltur vigtunarmaður samkvæmt lögum nr. 91/2006, eða vera tilbúinn að sækja slíkt námskeið
• 12 metra skipstjórnarréttindi og/eða vélstjórnarréttindi er kostur en ekki skilyrði
• Gerð er krafa um hreint sakavottorð
• Gerð er krafa um góða alhliða tölvukunnáttu s.s. Excel og Word, kostur ef viðkomandi hefur kunnáttu og þekkingu á Navision skráningarkerfi
• Góð íslensku- og enskukunnátta
• Góðir leiðtogahæfileikar, frumkvæði, skipulagshæfni og sjálfstæði í vinnubrögðum
• Rík þjónustulund og mikil færni í mannlegum samskiptum
• Reynsla af stjórnunarstörfum, gerð fjárhagsáætlana, annarra áætlana
• Snyrtimennska og góð framkoma

Launakjör eru samkvæmt samningum launanefndar sveitarfélaga við viðkomandi stéttarfélag. 

Umsóknarfrestur er til og með 29. júní 2018.

Nánari upplýsingar um starfið veitir Jón Páll Hreinsson, bæjarstjóri, í síma 450-7000 eða í gegnum tölvupóst á jonpall@bolungarvik.is.  

Umsóknir skulu sendar til Jóns Páls á fyrrgreint netfang. Með umsókn skal fylgja ferilskrá og afrit af viðeigandi réttindum.  Öllum umsóknum verður svarað þegar ákvörðun um ráðningu hefur verið tekin.