Starfsmenn óskast í umönnun

Félagsþjónusta Bolungarvíkurkaupstaðar auglýsir eftir starfsmönnum á Ból, sem er heimili fatlaðs og langveiks unglings. Óskað er eftir einum starfsmanni í fast starf og öðrum í afleysingar frá apríl til október með möguleika á framlengingu. Um er að ræða vaktavinnu á þrískiptum vöktum.

• Reynsla af umönnunarstörfum er æskileg.
• Menntun sem nýtist í starfinu er kostur.
•  Viðkomandi þurfa að vera 20 ára og eldri.
•  Óskað er eftir einstaklingum sem eru ábyrgir og góðir í mannlegum samskiptum.

Á Bóli vinnur öflugur starfsmannahópur á sólahringsvöktum. Nýir starfsmenn fá góða þjálfun og bakvakt er til staðar. Vinnuaðstaða á Bóli er eins og best er á kosið.

Umsóknir eða fyrirspurnir sendist til:

Guðnýjar Hildar Magnúsdóttur, gudnyhildur@bolungarvik.is