Fréttir
Ungmenni í ungmennaráð
Ungmennaráð er skipað fimm ungmennum á aldrinum 13-25 ára og tveim til vara. Stefnt er á að halda fjóra fundi á árinu 2019 og verður greitt fyrir fundarsetu.
Í annarri málsgrein elleftu greinar æskulýðslaga segir:
Sveitarstjórnir hlutast til um að stofnuð séu ungmennaráð. Hlutverk ungmennaráða er m.a. að vera sveitarstjórnum til ráðgjafar um málefni ungs fólks í viðkomandi sveitarfélagi. Sveitarstjórnir setja nánari reglur um hlutverk og val í ungmennaráð.
Hvað hafa ungmennaráð á Íslandi gert?
- Staðið að heilsustíg
- Opnað og starfrækt ungmennahús
- Bætt aðstöðu í félagsmiðstöðvum og skólum
- Komið af stað fleiri viðburðum fyrir ungmenni
- Bætt samgöngur, til dæmis tímaáætlanir Strætó
- Stuðlað að ódýrari afþreyingu fyrir ungt fólk
- Talað fyrir breyttum kennsluháttum
- Haldið ráðstefnur
- Heimsótt önnur ungmennaráð innlendis og erlendis
- Tekið þátt í verkefnum og ráðstefnum innlendis og erlendis
Áhugasöm ungmenni hafi samband við Helga Hjálmtýsson, markaðs- og kynningarfulltrúa Bolungarvíkurkaupstaðar, helgi@bolungarvik.is.