Viltu hafa áhrif á samfélagið?

Ungmennaráð er skipað fimm ungmennum á aldrinum 13-25 ára og tveim til vara. Stefnt er á að halda fjóra fundi veturinn 2020-2021 og er greitt fyrir fundarsetu.

• Reglur um ungmennaráð Bolungarvíkurkaupstaðar
• Fundargerðir ungmennaráðs Bolungarvíkur
• Handbók ungmennaráða sveitarfélaganna

Í annarri málsgrein elleftu greinar æskulýðslaga segir:

Sveitarstjórnir hlutast til um að stofnuð séu ungmennaráð. Hlutverk ungmennaráða er m.a. að vera sveitarstjórnum til ráðgjafar um málefni ungs fólks í viðkomandi sveitarfélagi. Sveitarstjórnir setja nánari reglur um hlutverk og val í ungmennaráð.

Hverju hafa ungmennaráð á Íslandi stuðlað að?

• Staðið að heilsustíg
• Opnað og starfrækt ungmennahús
• Bætt aðstöðu í félagsmiðstöðvum og skólum
• Komið af stað fleiri viðburðum fyrir ungmenni
• Bætt samgöngur, til dæmis tímaáætlanir strætó
• Stuðlað að ódýrari afþreyingu fyrir ungt fólk
• Talað fyrir breyttum kennsluháttum
• Haldið ráðstefnur

Áhugasöm ungmenni hafi samband við Svönu Kristínu Guðbjartsdóttur, frístundaleiðbeinanda, svanag@bolungarvik.is.